ദിനാചരണത്തിന്റെ ഭാഗമായി വൃക്ഷത്തൈ നടൽ, ക്വിസ് മത്സരം, പോസ്റ്റർ നിർമ്മാണ മത്സരം, ഔഷധസസ്യ തോട്ട നിർമ്മാണം തുടങ്ങിയ പ്രവർത്തനങ്ങൾ സംഘടിപ്പിച്ചു.
വിദ്യാർത്ഥികൾ ആവേശപൂർവം പരിപാടികളിൽ പങ്കെടുത്തു. സ്കൂൾ പരിസരത്ത് വിവിധ വൃക്ഷത്തൈകൾ നട്ടുപിടിപ്പിക്കുകയും പരിസ്ഥിതി സംരക്ഷണത്തിന്റെ പ്രാധാന്യത്തെക്കുറിച്ച് ബോധവത്കരണം നടത്തുകയും ചെയ്തു.
പരിപാടിയിൽ കുന്നമംഗലം ഗ്രാമപഞ്ചായത്ത് വൈസ് പ്രസിഡന്റ് ഷംസീറ ഷമീർ, പി.ടി.എ പ്രസിഡന്റ് ബാബു വടക്കയിൽ, പ്രധാനാധ്യാപിക അനിത ടീച്ചർ എന്നിവർ പങ്കെടുത്തു. അധ്യാപകരും രക്ഷിതാക്കളും വിദ്യാർത്ഥികളും ചേർന്ന് പരിപാടികൾ വിജയകരമാക്കി.
പരിസ്ഥിതിയെ സംരക്ഷിക്കേണ്ടത് ഓരോരുത്തരുടെയും കടമയാണെന്നും, ഒരു തൈ നടുന്നത് ഭാവി തലമുറയ്ക്കുള്ള വലിയൊരു സംഭാവനയാണെന്നും ചടങ്ങിൽ സംസാരിച്ചവർ അഭിപ്രായപ്പെട്ടു.
"ഒരു തൈ നടൂ... ഒരു നാട് നന്നാക്കൂ..." എന്ന സന്ദേശത്തോടെയാണ് പരിപാടികൾ സമാപിച്ചത്.
Post a Comment