വിഡി സതീശൻ മന്ത്രിസഭയുടെ ആദ്യ ക്യാബിനറ്റ് യോഗത്തില് സുപ്രധാന തീരുമാനം. മുൻ മുഖ്യമന്ത്രി പിണറായി വിജയന്റെ ഗണ്മാൻമാർ ആലപ്പുഴയില് വെച്ച് യൂത്ത് കോണ്ഗ്രസ്-കെഎസ്യു പ്രവർത്തകരെ മർദ്ദിച്ച സംഭവത്തില് പുനരന്വേഷണത്തിന് ഉത്തരവിട്ടു.
സ്പെഷ്യല് ടീം പുനരന്വേഷണം നടത്തുമെന്ന് മുഖ്യമന്ത്രി വിഡി സതീശൻ വാർത്താ സമ്മേളനത്തില് പ്രഖ്യാപിച്ചു.
മുൻ മുഖ്യമന്ത്രി പിണറായി വിജയൻ നടത്തിയ നവകേരള യാത്രയ്ക്കിടെ ആലപ്പുഴയില് വെച്ച് കറുത്ത കൊടി കാണിച്ച പ്രവർത്തകരെ ഗണ്മാൻമാരായ അനില് കുമാറും സന്ദീപ് എസും ചേർന്ന് മർദ്ദിക്കുകയായിരുന്നു.2023 ഡിസംബറിലാണ് സംഭവമുണ്ടായത്. ഇതിന്റെ ദൃശ്യങ്ങളും പുറത്ത് വന്നിരുന്നു.
മുഖ്യമന്ത്രിയുടെ അകമ്പടി വാഹനത്തില് നിന്നിറങ്ങിവന്നാണ് ഗണ്മാൻമാർ പ്രതിഷേധക്കാരെ മർദ്ദിച്ചത്. മുഖ്യമന്ത്രിയുടെ സുരക്ഷ ഉറപ്പാക്കുക മാത്രമാണ് ഗണ്മാൻമാർ ചെയ്തതെന്നും, അത് ഒരു 'രക്ഷാപ്രവർത്തന'മാണെന്നും പറഞ്ഞ് മുഖ്യമന്ത്രി ഗണ്മാൻമാരുടെ നടപടിയെ ന്യായീകരിക്കുകയാണുണ്ടായത്.
Post a Comment