കോഴിക്കോട് : ഭക്ഷ്യസുരക്ഷ ലൈസൻസ് ഇല്ലാതെ പ്രവർത്തിക്കുന്ന സംസ്ഥാനത്തെ മൂഴുവൻ ഭക്ഷ്യ സ്ഥാപനങ്ങളും അടച്ചുപൂട്ടാൻ ഭക്ഷ്യ സുരക്ഷാ വകുപ്പിന്റെ തീരുമാനം. ഇതേ തുടർന്ന് ഭക്ഷ്യ സുരക്ഷാ ലൈസൻസോ രജിസ്ട്രേഷനോ ഇല്ലാതെ പ്രവർത്തിക്കുന്ന കാസർകോട് ജില്ലയിലെ മുഴുവൻ ഭക്ഷ്യസ്ഥാപനങ്ങളെയും അടച്ചു പൂട്ടും. ഇത്തരത്തിൽ അടച്ചുപൂട്ടപ്പെടുന്ന ഭക്ഷ്യസ്ഥാപനങ്ങൾ പിഴ ഉൾപ്പെടെയുള്ള നിയമ നടപടികൾ നേരിടേണ്ടി വരും.
നിരവധി കച്ചവട സ്ഥാപനങ്ങള് ലൈസന്സ് എടുക്കുന്നതിനു പകരം രജിസ്ട്രേഷന് മാത്രം എടുത്ത് പ്രവര്ത്തിക്കുന്നതായി പരിശോധനകളില് കണ്ടെത്തിയതിന്റെ അടിസ്ഥാനത്തിലാണ് ലൈസന്സ് പരിശോധനകള് കര്ശനമാക്കിയിട്ടുള്ളത്. ഭക്ഷ്യസുരക്ഷാ ഗുണനിലവാര നിയമം 2006, വകുപ്പ് 31 പ്രകാരം എല്ലാ ഭക്ഷ്യ സംരംഭകരും എഫ്.എസ്.എസ്.എ.ഐ . ഭക്ഷ്യസുരക്ഷാ ലൈസന്സ് എടുക്കേണ്ടതാണ്.
സ്വന്തമായി ഭക്ഷണം നിര്മ്മിച്ച് വില്പന നടത്തുന്നവര്, പെറ്റി റീടെയ്ലര്, തെരുവ് കച്ചവടക്കാര്, ഉന്തുവണ്ടിയില് കച്ചവടം നടത്തുന്നവര്, താത്കാലിക കച്ചവടക്കാര് എന്നിവര്ക്കു മാത്രമാണ് രജിസ്ട്രേഷന് അനുമതിയോടെ പ്രവര്ത്തിക്കാവുന്നത്.
ജീവനക്കാരെ ഉള്പ്പെടുത്തി തട്ടുകട നടത്തുന്നവരും ലൈസന്സ് എടുക്കേണ്ടതാണ്.ലൈസന്സിന് പകരം രജിസ്ട്രേഷന് മാത്രമെടുത്ത് പ്രവര്ത്തിക്കുന്നവരെ ലൈസന്സ് ഇല്ലാത്തവരായി പരിഗണിച്ച് നടപടി സ്വീകരിക്കും.
ഭക്ഷ്യ സുരക്ഷാ ലൈസന്സ് ഇല്ലാതെ പ്രവര്ത്തിക്കുന്നതോ ഭക്ഷ്യസുരക്ഷ ലൈസന്സ് പരിധിയില് വന്നിട്ടും ഭക്ഷ്യസുരക്ഷ രജിസ്ട്രേഷനില് പ്രവര്ത്തിക്കുന്നതോ ആയ സ്ഥാപനങ്ങള് ശ്രദ്ധയില്പ്പെട്ടാല് അടച്ചുപൂട്ടല് ഉള്പ്പടെയുള്ള നടപടികള് സ്വീകരിക്കും. ഓഗസ്റ്റ് ഒന്നാം തീയതിക്ക് ശേഷം ലൈസന്സ് ഇല്ലാത്ത ഭക്ഷ്യസംരംഭ സ്ഥാപനങ്ങള് യാതൊരു കാരണവശാലും പ്രവര്ത്തിക്കാന് പാടുള്ളതല്ല.
ലൈസന്സ് ലഭിക്കുന്നതിനായി foscos.fssai.gov.in എന്ന പോര്ട്ടലിലൂടെ അപേക്ഷിക്കാം.
സാധാരണ ലൈസന്സുകള്ക്ക് 2,000 രൂപയാണ് ഒരു വര്ഷത്തേക്കുള്ള ഫീസ്. ഓഗസ്റ്റ് ഒന്നിനു ശേഷം ലൈസന്സ് ഇല്ലാതെ പ്രവര്ത്തിക്കുന്ന എല്ലാ സ്ഥാപനങ്ങളുടെയും പ്രവര്ത്തനം ലൈസന്സ് നേടുന്നതുവരെ നിര്ത്തിവയ്പ്പിക്കും. ലൈസന്സ് ഇല്ലാതെ പ്രവര്ത്തിക്കുന്നവര്ക്കെതിരെയും കാണുന്ന രീതിയിൽ പ്രദർശിപ്പിക്കാത്ത ഭക്ഷ്യസ്ഥാപനങ്ങൾക്കെതിരെയും നിയമപരമായ ശിക്ഷാ നടപടികള് സ്വീകരിക്കാനാണ് തീരുമാനം.
കാസർകോട് ജില്ലയിൽ ഭക്ഷ്യ സുരക്ഷാ വകുപ്പിന്റെ നേതൃത്വത്തില് ഓഗസ്റ്റ് ഒന്നിനും രണ്ടിനും വ്യാപകമായി ഓപ്പറേഷന് ഫോസ്കോസ് (FOSCOS) ലൈസന്സ് ഡ്രൈവ് 2023 എന്ന പേരില് സ്ഥാപനങ്ങളുടെ ലൈസന്സ് പരിശോധനകള് നടത്തുന്നതിന് പ്രത്യേക സ്ക്വാഡുകൾ രൂപീകരിച്ചിട്ടുണ്ട്.
Post a Comment