സംസ്ഥാനസര്ക്കാരിന്റെ ഔദ്യോഗികപരിപാടികളുടെ വീഡിയോ കവറേജ് നടത്തുന്നതിന് ഇന്ഫര്മേഷന് പബ്ലിക് റിലേഷന്സ് വകുപ്പിന് കീഴില് കോഴിക്കോട് ജില്ലാ ഇന്ഫര്മേഷന് ഓഫീസില് രൂപീകരിക്കുന്ന വീഡിയോ സ്ട്രിംഗര്മാരുടെ പാനലിലേക്ക് അപേക്ഷ ക്ഷണിച്ചു. പ്രീഡിഗ്രി/പ്ലസ്ടു, ദൃശ്യമാധ്യമ രംഗത്ത് കുറഞ്ഞത് ഒരു വര്ഷത്തെ പ്രവൃത്തിപരിചയം അഭികാമ്യം. ന്യൂസ് ക്ലിപ്പ് ഷൂട്ട് ചെയ്ത് എഡിറ്റ് ചെയ്ത് വോയിസ് ഓവര് നല്കി ന്യൂസ് സ്റ്റോറിയായി അവതരിപ്പിക്കുന്നതില് കുറഞ്ഞത് ഒരു വര്ഷത്തെ പരിചയം. പി.ആര്.ഡിയില് പ്രവൃത്തിപരിചയമുള്ളവര്ക്കും ഇലക്ട്രോണിക് വാര്ത്താ മാധ്യമത്തില് വീഡിയോഗ്രാഫി/വീഡിയോ എഡിറ്റിങ് എന്നിവയില് പ്രവൃത്തിപരിചയമുള്ളവര്ക്കും മുന്ഗണന. സ്വന്തമായി ഫുള് എച്ച്.ഡി പ്രൊഫഷണല് കാമറയും നൂതന അനുബന്ധ ഉപകരണങ്ങളും ഉള്ളവരായിരിക്കണം അപേക്ഷകര്.
വിഷ്വല് വേഗത്തില് എഡിറ്റ് ചെയ്യുന്നതിനുള്ള സാങ്കേതിക അറിവും പ്രൊഫഷണല് എഡിറ്റ് സോഫ്റ്റ് വെയര് ഇന്സ്റ്റാള് ചെയ്ത ലാപ്ടോപ് സ്വന്തമായി ഉണ്ടായിരിക്കണം. ദൃശ്യങ്ങള് തത്സമയം നിശ്ചിത സെര്വറില് അയക്കാനുള്ള സംവിധാനവും ഉണ്ടായിരിക്കണം. എഡിറ്റ് സ്യൂട്ട്, നൂതന ഇലക്ട്രോണിക് ന്യൂസ് ഗാതറിങ് സൗകര്യങ്ങള് എന്നിവ സ്വന്തമായുള്ളത് അധിക യോഗ്യതയായി പരിഗണിക്കും.
അപേക്ഷകര് ജില്ലയില് സ്ഥിരതാമസക്കാരും ഡ്രൈവിങ് ലൈസന്സ് ഉള്ളവരുമായിരിക്കണം. ക്രിമിനല് കേസില്പ്പെട്ടവരോ ശിക്ഷിക്കപ്പെട്ടവരോ ആകരുത്. താമസപരിധിയിലെ സ്റ്റേഷന്ഹൗസ് ഓഫീസറില് നിന്നും സ്വാഭാവസര്ട്ടിഫിക്കറ്റും കേസുകള് ഇല്ലെന്നത് സംബന്ധിച്ച രേഖയും അപേക്ഷക്കൊപ്പം ഹാജരാക്കണം.
അപേക്ഷകരുടെ പേര്, വിലാസം, ഫോണ് നമ്പര്, ഇ-മെയില്, വിദ്യാഭ്യാസ യോഗ്യത, പ്രവൃത്തി പരിചയം എന്നിവ രേഖപ്പെടുത്തിയ ബയോഡാറ്റയും സ്വന്തമായുള്ള ക്യാമറയുടെ വിവരങ്ങളും സഹിതം 2026 ആഗസ്റ്റ് 7 നകം കോഴിക്കോട് സിവിൽ സ്റ്റേഷനിലെ ജില്ലാ ഇന്ഫര്മേഷന് ഓഫീസില് നേരിട്ടോ തപാല് വഴിയോ ഇ-മെയില് മുഖേനയോ ലഭ്യമാക്കണം. പൂര്ണമല്ലാത്ത അപേക്ഷകള് നിരസിക്കുന്നതായിരിക്കും. കൂടിക്കാഴ്ചയുടെയും പ്രായോഗിക പരീക്ഷയുടെ അടിസ്ഥാനത്തില് ആയിരിക്കും പാനൽ തയ്യാറാക്കുക. വിലാസം: ജില്ലാ ഇന്ഫര്മേഷന് ഓഫീസര്, ഡി 1 ബ്ലോക്ക്, സിവില് സ്റ്റേഷന്, കോഴിക്കോട്- 673020. ഫോണ്- 0495- 2370225. ഇ-മെയില്: dio.prd@gmail.com
Post a Comment