തിരുവനന്തപുരം: കേരളത്തിൽ ഇന്നും കനത്ത മഴ തുടരും. മഴ ശക്തമായതിന് പിന്നാലെ മൂന്ന് ജില്ലകളിലാണ് റെഡ് അലേർട്ട് പ്രഖ്യാപിച്ചിട്ടുള്ളത്. കോഴിക്കോട്, വയനാട്, കണ്ണൂർ ജില്ലകളിലാണ് റെഡ് അലേർട്ട് ഉള്ളത്. തൃശ്ശൂർ, മലപ്പുറം കാസർകോട് ജില്ലകളിൽ ഓറഞ്ച് അലേർട്ടുമാണ്. 8 ജില്ലകളിലാണ് യെല്ലോ അലേർട്ട് പ്രഖ്യാപിച്ചിട്ടുള്ളത്. പാലക്കാട്, ഇടുക്കി, എറണാകുളം, ആലപ്പുഴ, പത്തനംതിട്ട, കൊല്ലം, തിരുവനന്തപുരം എന്നീ ജില്ലകളിലാണ് യെല്ലോ അലേർട്ടുള്ളത്.
കോഴിക്കോട്, കണ്ണൂർ എന്നീ ജില്ലകളിൽ വരും മണിക്കൂറുകളിൽ ഇടിമിന്നലോട് കൂടിയ ഇടത്തരം ആയതോ ശക്തമായ മഴക്കോ സാധ്യതയുണ്ടെന്നും മണിക്കൂറിൽ 50 കിലോമീറ്റർ വരെ വേഗതയിലുള്ള കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചിട്ടുണ്ട്.
Post a Comment