ന്യൂഡല്ഹി: പാചകവാതക വില വര്ധിപ്പിച്ചു. വാണിജ്യ സിലിണ്ടര് വിലയാണ് കൂട്ടിയത്. 19 കിലോയുടെ സിലിണ്ടറിന് 15 രൂപയാണ് വര്ധിപ്പിച്ചത്.
ഇതോടെ ഡല്ഹിയില് 19 കിലോയുടെ വാണിജ്യ സിലിണ്ടറിന്റെ വില 1769.50 രൂപയായി ഉയര്ന്നു. അതേസമയം ഗാര്ഹിക സിലിണ്ടറിന്റെ വിലയില് മാറ്റം വരുത്തിയിട്ടില്ല.
നവംബറിൽ വാണിജ്യാവശ്യത്തിനുള്ള ഗ്യാസ് സിലിണ്ടറിന്റെ വില 57.50 രൂപ കുറച്ചിരുന്നു. അതിനു മുൻപ് രണ്ടു മാസത്തിനിടെ വാണിജ്യ സിലിണ്ടറിന് 304 രൂപയാണ് കമ്പനികൾ കൂട്ടിയിരുന്നത്.
അതേസമയം, വിമാന യാത്രികര്ക്ക് ചെറിയ പ്രതീക്ഷ പകരുന്ന തീരുമാനവും എണ്ണ കമ്പനികള് ഇന്ന് പ്രഖ്യാപിച്ചു. റ്റൊൻ്റി ഫോർ ' വിമാന ഇന്ധന വില (ഏവിയേഷൻ ടർബൈൻ ഫ്യൂവല്-എ ടി എഫ്) കമ്പനികള് കുറച്ചു. കിലോ ലിറ്ററിന് ഏകദേശം 1221 രൂപയാണ് വിലയിലെ കുറവ്. വിമാന നിരക്ക് കുറയ്ക്കാൻ ലക്ഷ്യമിട്ട് ഇത് തുടര്ച്ചയായ നാലാം തവണയാണ് വിമാന ഇന്ധന വില കുറയ്ക്കുന്നത്. പുതിയ എ ടി എഫ് വിലയും ഇന്ന് മുതല് പ്രാബല്യത്തില് വരും.
Post a Comment