വിഴിഞ്ഞം അന്താരാഷ്ട്ര തുറമുഖത്തേക്ക് ചരക്കു കപ്പലായ ഷെൻഹുവ-24 ഇന്ന് എത്തും

തിരുവനന്തപുരം: വിഴിഞ്ഞം അന്താരാഷ്ട്ര തുറമുഖത്തേക്ക് ഷെൻഹുവ-24 ഇന്ന് എത്തും. വിഴിഞ്ഞത്ത് എത്തുന്ന മൂന്നാമത്തെ ചരക്കു കപ്പലാണ് ഷെൻഹുവ-24. പുറംകടലില്‍ നങ്കൂരമിട്ട കപ്പല്‍ രാവിലെയോടെ ബെര്‍ത്തിലേക്ക് അടുപ്പിക്കും.

നവംബര്‍ 10നാണ് ചൈനയില്‍ നിന്ന് വിഴിഞ്ഞത്തേക്ക് ആവശ്യമായ യാര്‍ഡ് ക്രെയിനുകളുമായി ഷെൻഹുവ-24 യാത്ര തിരിച്ചത്. അടുത്തമാസം 15ഓടെ നാലാമത്തെ കപ്പല്‍ തീരത്ത് എത്തും. 32 ക്രെയിനുകളാണ് ആദ്യ ഘട്ടത്തില്‍ തുറമുഖത്തിന് ആവശ്യം വരുന്നത്.