ആദരസൂചകമായി ഇന്ന് വെള്ളിയാഴ്ച കടകള് തുറക്കില്ല
കോഴിക്കോട് :വ്യാപാരി വ്യവസായി സംസ്ഥാന പ്രസിഡന്റ് ടി.നസറുദ്ദീന് അന്തരിച്ചു. 78 വയസായിരുന്നു. ഹൃദയാഘാതത്തെ തുടര്ന്ന് കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം. കിഡ്നി സംബന്ധമായ രോഗത്തെ തുടര്ന്ന് ചികിത്സയിലായിരുന്നു. ഇന്നലെ രാത്രി ദേഹാശ്വാസ്ത്യം അനുഭവപ്പെട്ടിരുന്നതിനെ തുടര്ന്ന് ആശുപത്രിയില് പ്രവേശിപ്പിക്കുകയും മരണപ്പെടുകയുമായിരുന്നു.
ആദരസൂചകമായി സംഘടനക്ക് കീഴിലുള്ള സംസ്ഥാനത്തെ മുഴുവന് വ്യാപാര സ്ഥാപനങ്ങളും ഇന്ന് അടച്ചിടുമെന്ന് സംസ്ഥാന കമ്മിറ്റി അറിയിച്ചു.1991 മുതല് സംഘടനയുടെ സംസ്ഥാന പ്രസിഡന്റാണ്. ഭാരത് വ്യാപാരസമിതി അംഗം, വാറ്റ്പിപി ഇംപലിമെന്റേഷന് കമ്മിറ്റി മെമ്പര്, വ്യാപാരി ക്ഷേമ നിധി വൈസ് ചെയര്മാന്, കേരള മര്ക്കന്റയില് ബാങ്ക് ചെയര്മാന്, ഷോപ് ആന്റ് കൊമേഴ്സ്യല് എസ്റ്റാബ്ലിഷ്മെന്റ് ക്ഷേമ നിധി ബോര്ഡ് മെമ്പര് തുടങ്ങിയ നിലകളില് പ്രവര്ത്തിച്ചിട്ടുണ്ട്.
കേരളത്തിലെ വ്യാപാരികളെ സംഘടനയിലൂടെ കരുത്തരാക്കിയ വ്യക്തിയായിരുന്നു. നസറുദ്ദീന്.
ഭാര്യ: ജുവേരിയ. മക്കള്: മന്സൂര്, എന്മോസ്, അഷ്റ, ഐന. ഇന്ന് വൈകുന്നേരം അഞ്ചു മണിയ്ക്ക് കണ്ണം പറമ്പിലായിരിക്കും ഖബറടക്കം.
Post a Comment