മാവൂർ: റമദാൻ മാസത്തിൽ ദൂരയാത്രക്കാർക്കും നോമ്പുകാർക്കും ആശ്വാസമേകി എസ്കെഎസ്എസ്എഫ് എൻ.ഐ.ടി മേഖല വിഖായ ഇഫ്താർ ടെൻ്റിന് മാവൂരിൽ തുടക്കമായി. ഇഫ്താർ സമയത്ത് വീട്ടിലെത്താൻ സാധിക്കാത്ത യാത്രക്കാർക്ക് നോമ്പുതുറക്കാൻ സൗകര്യമൊരുക്കുന്ന ഈ പദ്ധതി, മേഖലയിലെ ജീവകാരുണ്യ പ്രവർത്തനങ്ങളുടെ ഭാഗമായാണ് സംഘടിപ്പിക്കുന്നത്.
ഇഫ്താർ ടെൻ്റിൻ്റെ ഉദ്ഘാടനം മുഹമ്മദ് ബാഖവി പാറമ്മൽ നിർവഹിച്ചു. വിഖായ പ്രവർത്തകനായ ഗഫൂർ ഈസ്റ്റ് മലയമ്മക്ക് വിഭവങ്ങൾ കൈമാറിക്കൊണ്ടാണ് പദ്ധതിക്ക് ഔദ്യോഗികമായി തുടക്കം കുറിച്ചത്.
റമദാനിൽ കേരളത്തിലുടനീളം എല്ലാ പ്രധാന വഴിയോരങ്ങളിലും എസ്കെഎസ്എസ്എഫ് മേഖല കമ്മിറ്റികൾ ഒരുക്കുന്ന ഇഫ്താർ ടെൻ്റുകൾ യാത്രക്കാർക്ക് ഏറെ ആശ്വാസകരമാണ്.
നോമ്പുതുറക്കാൻ പ്രയാസപ്പെടുന്ന വഴിയാത്രക്കാർക്ക് ഭക്ഷണവും വെള്ളവും ലഭ്യമാക്കുക എന്ന മഹത്തായ ലക്ഷ്യമാണ് ഇതിനു പിന്നിലുള്ളത്. മാവൂരിലെ ഈ കേന്ദ്രത്തിൽ റമദാൻ അവസാനിക്കുന്നത് വരെ നോമ്പുതുറ സൗകര്യം ലഭ്യമായിരിക്കുമെന്ന് സംഘാടകർ അറിയിച്ചു.
ചടങ്ങിൽ വിവിധ സംഘടനാ ഭാരവാഹികളും വിഖായ പ്രവർത്തകരും പങ്കെടുത്തു.
Post a Comment