കേരളത്തിലെ സ്വർണവില ഏറ്റവും ഉയർന്ന നിരക്കുകളില് തന്നെ തുടരുകയാണ്. കഴിഞ്ഞ ഏതാനും ദിവസങ്ങളായി സ്വർണവിലയില് വലിയ മാറ്റങ്ങളില്ലാതെ പവന് 1,05,440 രൂപ എന്ന നിരക്കിലാണ് വ്യാപാരം നടക്കുന്നത്.
ഈ മാസം 14-നായിരുന്നു ഏറ്റവും ഉയർന്ന സ്വർണ വിലയായ 1,05,600 രൂപ രേഖപ്പെടുത്തിയത്. ഇന്നലത്തെ വിലയില് മാറ്റമില്ലാതെ ഇന്നും സ്വർണം പവന് 1,05,440 രൂപയാണ് രേഖപ്പെടുത്തിയിരിക്കുന്നത്. ഗ്രാമിന് 13,180 രൂപയാണ് ഇന്നും വില വന്നിരിക്കുന്നത്. ആഭരണമെന്നതിലുപരി സുരക്ഷിതമായ ഒരു നിക്ഷേപമായി സ്വർണത്തെ കാണുന്ന മലയാളികള്ക്ക്, വില വർദ്ധനവ് ആശങ്കയുണ്ടാക്കുന്നുണ്ടെങ്കിലും സ്വർണത്തോടുള്ള താല്പര്യം കുറയുന്നില്ല എന്നതാണ് വിപണിയിലെ കാഴ്ച.
ആഗോള രാഷ്ട്രീയ സാഹചര്യങ്ങളാണ് സ്വർണവില ഇത്രയധികം ഉയരാൻ പ്രധാന കാരണമാകുന്നത്. യുക്രൈൻ, വെനസ്വെല എന്നിവിടങ്ങളിലെ സംഘർഷങ്ങള്ക്ക് പുറമെ ഇറാനിലെയും ഗ്രീൻലൻഡിലെയും അസ്ഥിരമായ സാഹചര്യങ്ങള് നിക്ഷേപകരെ ആശങ്കയിലാഴ്ത്തുന്നു. സാമ്ബത്തിക അനിശ്ചിതത്വം നിലനില്ക്കുമ്പോള് സുരക്ഷിത നിക്ഷേപമെന്ന നിലയില് ആഗോളതലത്തില് സ്വർണം വാങ്ങിക്കൂട്ടുന്നതാണ് വില വർദ്ധിക്കാൻ ഇടയാക്കുന്നത്. രാജ്യാന്തര വിപണിയിലെ വില മാറ്റങ്ങള്ക്കൊപ്പം ഡോളർ-രൂപ വിനിമയ നിരക്കും ഇറക്കുമതി തീരുവയും വരും ദിവസങ്ങളിലും കേരളത്തിലെ സ്വർണവിലയെ സ്വാധീനിക്കും.
Post a Comment