സ്വർണ്ണപാളി പാളി!!!!!!! : കേരളത്തിൽ UDF തരംഗം

തദ്ദേശ തെരഞ്ഞെടുപ്പിലെ ഫലപ്രഖ്യാപനം നിർണായ ഘട്ടം കഴിഞ്ഞ സാഹചര്യത്തില്‍ സ്ഥിതിഗതികള്‍ യുഡിഎഫിന് അനുകൂലമാണ്.

ത്രിതല പഞ്ചായത്ത് തെരഞ്ഞെടുപ്പില്‍ ഗ്രാമപഞ്ചായത്ത്, ബ്ലോക്ക്, ജില്ലാ പഞ്ചായത്ത്,മുൻസിപ്പാലിറ്റി, കോര്‍പ്പറേഷൻ തുടങ്ങി എല്ലാ മേഖലയിലും വ്യക്തമായ ലീഡ് കണ്ടെത്താൻ യുഡിഎഫിന് കഴിഞ്ഞിരിക്കുന്നു.

2010ന് ശേഷം ചരിത്രത്തില്‍ ആദ്യമായാണ് യുഡിഎഫിന് ഇത്രയും വലിയ മുന്നേറ്റം ഉണ്ടാകുന്നത്. നിലവിലെ ഫലസൂചനകളുനസരിച്ച്‌ 8 ലധികം ജില്ലാ പഞ്ചായത്തുകളിലും, 74 ല്‍ അധികം ബ്ലോക്ക് പഞ്ചായത്തിലും 400 നടുത്ത് ഗ്രാമപഞ്ചായത്തുകളിലും യുഡിഎഫ് അധിപത്യം ഉറപ്പിച്ചിരിക്കുകയാണ്. 87 മുൻസിപ്പാലിറ്റികളില്‍ 54 ഇടത്തും, ആറ് കോർപ്പറേഷനുകളില്‍ നാലിടത്തും യുഡിഎഫ് കരുത്തറിയിച്ചിരിക്കുന്നു.

45 വർഷക്കാലം ഇടതുപക്ഷത്തിന് പരാജയം അറിയാതെ മുന്നേറാൻ സാധിച്ച കൊല്ലം കോർപറേഷനില്‍ യുഡിഎഫ് ശക്തമായ തിരിച്ചുവരവാണ് നടത്തിയത്. എന്നാല്‍ തിരുവനന്തപുരം കോർപ്പേഷനില്‍ അത്ര തിളങ്ങാൻ യുഡിഎഫിനായില്ല. ശബരീനാഥനെ രംഗത്തിറക്കി ഏറെ നേരത്തെ തന്നെ പ്രചാരണം തുടങ്ങിയെങ്കിലും യുഡിഎഫിന് കാര്യമായ നേട്ടമുണ്ടാക്കാനായില്ല. ശബരിനാഥൻ ജയിച്ചെങ്കിലും മറ്റ് പ്രമുഖ സ്ഥാനാർഥികള്‍ക്ക് കാലിടറി.

ഇടത് കോട്ടയായ മുട്ടട ഡിവിഷനില്‍ കോണ്‍ഗ്രസ് സ്ഥാനാർഥി വൈഷ്‌ണ സുരേഷ് വിജയിച്ചു. വോട്ടർ പട്ടികയില്‍നിന്ന് പേര് വെട്ടിയതുമായി ബന്ധുപ്പെട്ട വിവാദങ്ങളോടെയാണ് വൈഷ്ണയുടെ സ്ഥാനാർഥിത്വം ചർച്ചയാകുന്നത്. ഹൈക്കോടതി ഇടപെടലിലാണ് അവർ വീണ്ടും മത്സരത്തിനെത്തിയത്. വൈഷ്ണയെ സ്ഥാനാർഥിയായി കോണ്‍ഗ്രസ് നടത്തിയ പ്രഖ്യാപനത്തെ വിവാദം കൊണ്ടായിരുന്നു സിപിഐഎം നേരിട്ടത്. കോടതിവിധിയിലൂടെ വോട്ടവകാശം നേടി മുട്ടടയില്‍ മത്സരത്തിനിറങ്ങിയ വൈഷ്ണയുടെ ഈ വിജയം സി.പി.എമ്മിന് കനത്ത പ്രഹരം കൂടിയാണ്.

എല്‍ഡിഎഫ് സിറ്റിങ് സീറ്റില്‍ 397 വോട്ടിന്റെ ഭൂരിപക്ഷത്തോടയാണ് വൈഷ്ണയുടെ വിജയം. ഇടത് സ്ഥാനാർത്ഥിയായ അംശു വാമദേവന് 1210 വോട്ടാണ് ലഭിച്ചത്. 1607 വോട്ടാണ് വൈഷ്ണ നേടിയത്. ബിജെപി സ്ഥാനാർത്ഥി അജിത് കുമാർ 460 വോട്ടുകള്‍ നേടി. മുട്ടട വാര്‍ഡില്‍ 25 വർഷങ്ങള്‍ക്ക് ശേഷമാണ് യുഡിഎഫ് വിജയിക്കുന്നത്. അഭിമാനകരമായ വിജയമാണെന്നും സന്തോഷമുണ്ടെന്നാണ് വൈഷ്ണയുടെ പ്രതികരണം.

തൃശൂരിലും കോർപ്പറേഷൻ പിടിച്ചാണ് യുഡിഎഫ് കരുത്തറിയിച്ചത്. കണ്ണൂര്‍ കോര്‍പ്പറേഷനിലെ എല്‍ഡിഎഫിന്റെ സിറ്റിങ് സീറ്റ് പിടിച്ചെടുത്ത് മുന്‍ യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്റും കെപിസിസി അംഗവുമായ റിജില്‍ മാക്കുറ്റി താരമായി. ഈ തെരഞ്ഞെടുപ്പില്‍ ഏറെ ചർച്ചയായ വിഷയമാണ് രാഹുമങ്കൂട്ടത്തിലിനെതിരായ ബലാത്സംഗക്കേസ്. എന്നാല്‍ ഒളിവിലരുന്ന് മുൻകൂർ ജാമ്യം നടി. തെരഞ്ഞെടുപ്പില്‍ അവസാന നിമിഷം എത്തി രാഹുല്‍ വോട്ട് ചെയ്ത പാലക്കാടെ വാഡിലും യുഡിഎഫ് ജയിച്ചു. രാഹുലിനൊപ്പം കുറ്റ ആരോപിക്കപ്പെട്ട ഫെന്നി നൈനാൻ പരാജയപ്പെട്ടു.

പ്രതീക്ഷിച്ചതിനേക്കാള്‍ വലിയ വിജയമാണ് ഉണ്ടായിരിക്കുന്നത്. ജയിക്കുമെന്ന് തന്നെയായിരുന്നു കണക്കു കൂട്ടല്‍. എന്നാല്‍, പ്രതീക്ഷിച്ചതിനപ്പുറം ജനപിന്തുണയാണ് കോണ്‍ഗ്രസിന് ലഭിച്ചിരിക്കുന്നത്. സർക്കാരിന്റെ ജനദ്രോഹ നയങ്ങള്‍ക്കേറ്റ ശക്തമായ തിരിച്ചടിയാണിത്. കെപിസിസി അധ്യക്ഷൻ സണ്ണി ജോസഫ് പറ‍ഞ്ഞു. ഇത് സെമി ഫൈനലാണ്. നിയമസഭാ തെരഞ്ഞെടുപ്പിലും കോണ്‍ഗ്രസ് വലിയ വിജയം ഉറപ്പിക്കുമെന്നും അദ്ദേഹം പറഞ്ഞു.

പതിനാല് ജില്ലകളിലായി 244 കേന്ദ്രങ്ങളിലാണ് 1129 തദ്ദേശ സ്ഥാപനങ്ങളിലേക്കുള്ള വോട്ട് എണ്ണുന്നത്. രണ്ട് ഘട്ടങ്ങളായി നടന്ന തദ്ദേശ തെരഞ്ഞെടുപ്പില്‍ 941 ഗ്രാമപഞ്ചായത്തുകളിലെ 17,337 വാര്‍ഡുകള്‍, 152 ബ്ലോക്ക് പഞ്ചായത്തുകളിലെ 2,267 വാര്‍ഡുകള്‍, 14 ജില്ലാപഞ്ചായത്തുകളിലെ 346 വാര്‍ഡുകള്‍, 86 നഗരസഭകളിലെ 3,205 വാര്‍ഡുകള്‍, 6 കോര്‍പ്പറേഷനുകളിലെ 421 വാര്‍ഡുകളിലേയ്ക്കുമാണ് തെരഞ്ഞെടുപ്പ് നടന്നത്