ചാലക്കുടിയിൽ വൻ തീപിടുത്തം. നോർത്ത് ചാലക്കുടിയിലെ ഊക്കൻസ് പെയ്ന്റ് ഗോഡൗണിനാണ് തീ പിടിച്ചത്. തീ പൂർണമായി അണക്കാനുള്ള ശ്രമം തുടരുന്നു. തൊട്ടടുത്ത ഗ്യാസ് ഗോഡൗണിൽ നിന്നും സിലിണ്ടറുകൾ നീക്കം ചെയ്തു. മാളയിൽ നിന്നും, അങ്കമാലിയിൽ നിന്നും കൂടുതൽ യൂണിറ്റ് എത്തിച്ച് തീ അണക്കാനുള്ള ശ്രമമാണ് നടക്കുന്നത്. ഗോഡൗണിന് അകത്തേക്ക് കയറി തീ അണക്കാനുള്ള ശ്രമമാണ് നടക്കുന്നത്.
പെയിന്റ് സൂക്ഷിച്ച ഭാഗത്തുനിന്നാണു തീ പടർന്നതെന്നാണു വിവരം. പെയിന്റ് കടയായതിനാൽ പുക വലിയ രീതിയിൽ ഉയരുന്നുണ്ട്. പുക കൂടി നിയന്ത്രണവിധേയമാക്കിയാൽ മാത്രമേ ദൗത്യം വിജയകരമാകൂ. സമീപത്ത് ഉണ്ടായിരുന്ന കടകളിലെ ജീവനക്കാരെ അടക്കം ഒഴിപ്പിച്ചിട്ടുണ്ട്. ആദ്യഘട്ടത്തിൽ കെട്ടിടത്തിന് അകത്തേക്ക് കടക്കാൻ കഴിഞ്ഞിരുന്നില്ല. തീപിടുത്തത്തിന്റെ കാരണം വ്യക്തമായിട്ടില്ല
Post a Comment