അബുദാബി: യുഎഇയില് സ്വകാര്യമേഖലയില് ജോലി ചെയ്യുന്ന ജീവനക്കാർക്കുള്ള ബലിപെരുന്നാള് അവധി പ്രഖ്യാപിച്ചു. നാല് ദിവസത്തെ അവധിയാണ് ലഭിക്കുക.
ഹ്യൂമൻ റിസോഴ്സസ് ആൻഡ് എമിററ്റൈസേഷൻ മന്ത്രാലയമാണ് അവധി സംബന്ധിച്ച പ്രഖ്യാപനം നടത്തിയത്. ദുല്ഹജ്ജ് 9 മുതല് 12 വരെയാണ് അവധി ലഭിക്കുക. ഇതനുസരിച്ച് ജൂണ് 5 വ്യാഴാഴ്ച മുതല് ജൂണ് എട്ട് വരെയാണ് അവധി.
കഴിഞ്ഞ ദിവസമാണ് പൊതുമേഖലയ്ക്ക് ബലിപെരുന്നാള് അവധി പ്രഖ്യാപിച്ചത്. നാല് ദിവസത്തെ അവധിയാണ്. ജൂണ് 9 തിങ്കളാഴ്ച മുതല് പൊതുമേഖലയ്ക്ക് പ്രവൃത്തി ദിവസം പുനരാരംഭിക്കും. മാസപ്പിറവി ദൃശ്യമായതിൻ്റെ അടിസ്ഥാനത്തില് ഗള്ഫ് രാജ്യങ്ങളില് ജൂണ് 6നാണ് ബലിപെരുന്നാള്. സൗദിയിലും ഒമാനിലും മാസപ്പിറവി കണ്ടതിൻ്റെ അടിസ്ഥാനത്തിലാണ് തീരുമാനം. ഹജ്ജിന്റെ പ്രധാന ചടങ്ങായ അറഫാ സംഗമം ജൂണ് 5ന് നടക്കും.
Post a Comment