മലയാളികള് ഏറെ ആവേശത്തോടെയും ആകാംക്ഷയോടെ കാത്തിരിക്കുന്ന ആ ഭാഗ്യവാനെ നാളെ അറിയാം. ലോട്ടറി വകുപ്പിന്റെ ചരിത്രത്തിലെ ഏറ്റവും ഉയര്ന്ന സമ്മാനത്തുക, 25 കോടി ഓണം ബംപര് നറുക്കെടുപ്പ് നാളെ. 500 രൂപ വിലയുള്ള ടിക്കറ്റിന്റെ നറുക്കെടുപ്പ് നാളെ ഉച്ചയ്ക്ക് രണ്ടിനു നടക്കും.
ഇതുവരെ 63.81 ലക്ഷം ടിക്കറ്റുകളാണ് വിറ്റഴിച്ചത്. ആകെ അച്ചടിച്ചത് 67.50 ലക്ഷം ടിക്കറ്റുകള്. ഇനി വില്ക്കാന് ബാക്കിയുള്ളത് 3.69 ലക്ഷം ടിക്കറ്റുകള്. ഇത് ഇന്നു വിറ്റു തീരുമെന്നാണു വകുപ്പ് പ്രതീക്ഷിക്കുന്നത്. 319 കോടി രൂപയുടെ ടിക്കറ്റുകളാണ് ഇതുവരെ വിറ്റത്. 12 കോടി രൂപയായിരുന്നു കഴിഞ്ഞ വര്ഷത്തെ ഒന്നാം സമ്മാനം.54 ലക്ഷം ടിക്കറ്റുകളാണു അന്ന് വിറ്റഴിച്ചത്.
ഇത്തവണത്തെ ഒന്നാം സമ്മാന ജേതാവിന് പത്ത് ശതമാനം ഏജന്സി കമ്മീഷനും 30 ശതമാനം നികുതിയും കിഴിച്ച് ബാക്കി 15.75 കോടി രൂപയാണു ലഭിക്കുക. രണ്ടാം സമ്മാനം അഞ്ച് കോടി രൂപയാണ്. മൂന്നാം സമ്മാനമായി ഒരു കോടി രൂപ വീതം 10 പേര്ക്കു ലഭിക്കും.
Post a Comment