വയനാട് തൊണ്ടര്നാട് വാളാംതോട് ക്രഷറില് വെച്ച് ടിപ്പറിന്റെ ക്യാരിയര് പൊക്കുന്നതിനിടെ വൈദ്യുതി ലൈനില് തട്ടി ഡ്രൈവര് വൈദ്യുതാഘാതമേറ്റ് മരിച്ചു.
മാവൂര് പഞ്ചായത്ത് രണ്ടാം വാർഡ് കോൺഗ്രസ് സെക്രട്ടറിയും വാർഡ് യു. ഡി . എഫ് ചെയർമാനുമായ കുറ്റിക്കടവ് നാലു കണ്ടത്തില് ജബ്ബാര് (41) ആണ് മരിച്ചത്. ഇന്ന് രാവിലെ പത്തരയോടെയായിരുന്നു സംഭവം.
ക്യാരിയറിനുള്ളിലെ വെള്ളം കളയുന്നതിനായി ക്യാരിയര് ഉയര്ത്തുന്നതിനിടെ മുകള് ഭാഗം വൈദ്യുത ലൈനില് തട്ടുകയായിരുന്നു. തുടര്ന്ന് താഴെയിറങ്ങി ഡോര് അടയ്ക്കാന് ശ്രമിക്കുന്ന ജബ്ബാറിന് വൈദ്യുതാഘാതമേല്ക്കുകയുമായിരുന്നു.തുടര്ന്ന് ജബ്ബാറിനെ മാനന്തവാടി മെഡിക്കല് കോളേജിലേക്ക് കൊണ്ടുപോയെങ്കിലും യാത്രാമധ്യേ മരിക്കുകയായിരുന്നു.തൊണ്ടര്നാട് പോലീസ് സ്ഥലത്തെത്തി തുടര് നടപടി സ്വീകരിച്ചു വരികയാണ്.
Post a Comment