ഉന്നത വിജയം കൈവരിച്ച വിദ്യാർത്ഥികളെ അനുമോദിച്ചു

പൂളക്കോട് : സ്വാതന്ത്ര്യ ദിനാഘോഷത്തോടനുബന്ധിച്ചു പൂളക്കോട് യങ്മെൻസ് ക്ലബ്ബിന്റെ ആഭിമുഖ്യത്തിൽ 2021-2022അധ്യായന വർഷത്തെ SSLC, PLUS TWO, LSS ഉന്നത വിജയം കൈവരിച്ച വിദ്യാർത്ഥികളെ അനുമോദിച്ചു. ക്ലബ്ബിന്റെ ലൈബ്രറി re -opening ഉദ്ഘാടനവും പ്രാദേശിക ഫൈവ്സ് ഫുട്ബോൾ മത്സരവും നടത്തി. ഓഗസ്റ്റ് 14 ഞായർ പൂളക്കോട് മിനിസ്റ്റേഡിയത്തിൽ വെച്ച് നടന്ന പ്രസ്തുത പരിപാടിയിൽ ക്ലബ് സെക്രട്ടറി അനുലാൽ സ്വാഗതം പറഞ്ഞു. 

പ്രസിഡന്റ് ബിജോയ് രാജ് അധ്യക്ഷത വഹിച്ചു. രാമൻ കുട്ടി മാസ്റ്റർ, സുബ്രഹ്മണ്യൻ, ദിവാകരൻ മാസ്റ്റർ, അരീക്കുളങ്ങര സുരേഷ് പണിക്കർ, വിജയൻ വലിയ വീട്ടിൽ എന്നിവർ വിദ്യാർത്ഥികളെ അനുമോദിച്ചു. പരിപാടിയിൽ വിജയൻ വലിയവീട്ടിൽ, ദിവാകരൻ മാസ്റ്റർ, രാമൻ കുട്ടി മാസ്റ്റർ എന്നിവർ ആശംസകൾ അറിയിച്ചു. ക്ലബ്ബിന്റെ ലൈബ്രറിയുടെ re -opening ഉദ്ഘാടനം ദിവാകരൻ മാസ്റ്റർ ലൈബ്രറി ഇൻ ചാർജ് ശരത് ലാലിന് കൈമാറി നിർവഹിച്ചു. ശരത്‌ ലാൽ നന്ദി പറഞ്ഞു.