മാവൂര് : കൃഷിയിടത്തിലിറങ്ങിയ രണ്ട് കാട്ടുപന്നികളെകൂടി വെടിവെച്ചുകൊന്നു. മാവൂർ പഞ്ചായത്ത് 11ാം വാര്ഡില് താത്തൂര്പൊയില് നടുക്കണ്ടി അബ്ദുല് റഷീദിന്െറ പറമ്പിൽ വെച്ചാണ് ഞായറാഴ്ച രാത്രി രണ്ട് കാട്ടുപന്നികളെ വെടിവെച്ചു കൊന്നത്. ഇതിലൊരു പന്നിയുടെ ആക്രമണത്തില് കുന്നുമ്മല് നടുക്കണ്ടി അബ്ദുല് റഷീദിന് (33) പരിക്കേറ്റു. ഞായറാഴ്ച രാത്രിയിലാണ് വനം വകുപ്പിന്െറ എം പാനലില്പെട്ട സി.എം. ബാലന് ഇവയെ വെടിവെച്ച് വീഴ്ത്തിയത്.
ആദ്യത്തേതിനെ രാത്രി ഒമ്പതിനും രണ്ടാമത്തേതിനെ രാത്രി 11.30നുമാണ് വെടിവെച്ചത്. വെടിയേറ്റ പന്നി അബ്ദുല് റഷീദിനെ ആക്രമിക്കുകയായിരുന്നു.
കാലിനാണ് കുത്തേറ്റത്. ആക്രമത്തില് നിലത്തുവീണും പരിക്കുണ്ടായിട്ടുണ്ട്. ഇയാള് ചെറൂപ്പ ആശുപത്രിയില് ചികിത്സ തേടി. ഗ്രാസിം ഫാക്ടറി വളപ്പിനോട് ചേര്ന്ന ഈ ഭാഗത്ത് ഇതുവരെ 16 കാട്ടുപന്നികളെ വെടിവെച്ചു കൊന്നിട്ടുണ്ട്. വനംവകുപ്പ് ഉദ്യോഗസ്ഥരെത്തി തുടര്നടപടികള് സ്വീകരിച്ചു
Post a Comment